سابق صدر ریاست آزاد جموں و کشمیر اور میرپور یونیورسٹی آف سائنس اینڈ ٹیکنالوجی (MUST) کے بانی چانسلر راجہ محمد ذوالقرنین خان انتقال کر گئے۔ ان کے انتقال کی خبر سے ریاست بھر کے سیاسی، سماجی اور تعلیمی حلقوں میں افسوس کی لہر دوڑ گئی۔
راجہ محمد ذوالقرنین خان نے ریاست آزاد جموں و کشمیر میں تعلیم کے فروغ کے لیے اہم خدمات انجام دیں۔ انہیں میرپور یونیورسٹی آف سائنس اینڈ ٹیکنالوجی کے قیام میں بنیادی کردار ادا کرنے والی شخصیات میں شمار کیا جاتا ہے۔ جامعہ مسٹ کی صورت میں ان کی خدمات کو ریاست کے نوجوانوں کے لیے ایک اہم تعلیمی تحفہ قرار دیا جاتا ہے۔
مرحوم نے بطور صدر ریاست بھی اپنی ذمہ داریاں ادا کیں اور آزاد کشمیر کی سیاسی و سماجی تاریخ میں ایک نمایاں مقام حاصل کیا۔
ان کے انتقال پر مختلف حلقوں کی جانب سے گہرے دکھ اور افسوس کا اظہار کیا جا رہا ہے۔ اہل خانہ اور لواحقین سے تعزیت کرتے ہوئے مرحوم کے لیے دعائے مغفرت کی جا رہی ہے۔
اللہ تعالیٰ مرحوم کی کامل مغفرت فرمائے، ان کے درجات بلند فرمائے اور انہیں جنت الفردوس میں اعلیٰ مقام عطا فرمائے۔ آمین۔






