میرپور: لکھ سنگا موڑ کے قریب ایک برطانوی فیملی کی گاڑی خوفناک ٹریفک حادثے کا شکار ہو گئی۔ تیز رفتار کار بے قابو ہو کر سڑک کے کنارے گہری کھائی میں جا گری، جس کے نتیجے میں ڈرائیور سمیت چار افراد شدید زخمی ہو گئے۔
حادثے کے بعد مقامی افراد فوری طور پر جائے وقوعہ پر پہنچ گئے اور اپنی مدد آپ کے تحت کھائی میں اتر کر زخمیوں کو گاڑی سے باہر نکالا۔ بعد ازاں تمام زخمیوں کو ہسپتال منتقل کر دیا گیا۔
عینی شاہدین کے مطابق حادثہ تیز رفتاری کے باعث پیش آیا۔





