بہاولپور: ملتان میں 15 سالہ یتیم لڑکے وسیم عباس کو گاڑی تلے کچل کر ہلاک کرنے کے مقدمے کا مرکزی ملزم توقیر نذیر مبینہ سی سی ڈی پولیس مقابلے میں ہلاک ہو گیا۔پولیس کے مطابق ملزم کو واقعے کے بعد گرفتار کیا گیا تھا اور عدالت نے اسے چار روزہ جسمانی ریمانڈ پر پولیس کے حوالے کیا تھا، تاہم وہ پولیس حراست سے فرار ہو گیا۔سی سی ڈی حکام کے مطابق بہاولپور کے ناردرن بائی پاس کے قریب موٹر سائیکل پر سوار دو افراد کو روکنے کی کوشش کی گئی تو فائرنگ کا تبادلہ ہوا۔ حکام کا کہنا ہے کہ اس دوران توقیر نذیر اپنے ہی ساتھی کی گولی لگنے سے ہلاک ہو گیا، جبکہ اس کا ساتھی فرار ہونے میں کامیاب ہو گیا۔واضح رہے کہ وسیم عباس کو ملتان کی نجی ہاؤسنگ سوسائٹی میں گاڑی سے کچلنے کی سی سی ٹی وی فوٹیج سامنے آئی تھی۔ پولیس کے مطابق لڑکا الیکٹریشن کا کام سیکھ رہا تھا اور مبینہ طور پر کام چھوڑ کر بھاگنے پر اس کا تعاقب کیا گیا تھا۔
Uncategorized
October 21, 2026
48 Views
15 سالہ یتیم وسیم عباس کو گاڑی تلے کچلنے والا ملزم مبینہ سی سی ڈی مقابلے میں ہلاک
اس خبر کو شیئر کریں:





