آزاد جموں و کشمیر کے دارالحکومت مظفرآباد میں صورتحال ایک بار پھر سرگرمی اختیار کر گئی ہے۔ جوائنٹ عوامی ایکشن کمیٹی (JAAC) کی جانب سے اپنے چارٹر آف ڈیمانڈ اور مطالبات کی منظوری کے لیے حکومت کو دی گئی 31 مئی کی ڈیڈ لائن (وقت) ختم ہونے کے پیشِ نظر وفاقی وزراء پر مشتمل ایک اہم وفد آج مظفرآباد پہنچ رہا ہے۔

وفد کی آمد کا مقصد ایکشن کمیٹی کے رہنماؤں کے ساتھ مذاکرات کرنا اور ڈیڈ لائن ختم ہونے سے پہلے مطالبات کے حل اور معاہدے پر عملدرآمد کو یقینی بنانا ہے تاکہ کسی بھی ممکنہ احتجاج، پہیہ جام ہڑتال یا لاک ڈاؤن کی صورتحال سے بچا جا سکے۔ ایکشن کمیٹی کے بنیادی مطالبات میں سستی بجلی، آٹے پر سبسڈی، اشرافیہ کی مراعات کا خاتمہ اور دیگر انتظامی و معاشی اصلاحات شامل ہیں۔