وزیراعظم آزاد جموں و کشمیر چوہدری فیصل ممتاز راٹھور کے برطانیہ میں مقرر کردہ کوآرڈینیٹرز کے اعزاز میں ایک پروقار استقبالیہ تقریب منعقد کی گئی، جس میں کمیونٹی کے اہم رفقا کار اور معززین نے بھرپور شرکت کی۔
تقریب کے دوران شرکاء نے وزیراعظم فیصل ممتاز راٹھور کی قیادت اور تارکین وطن کے مسائل حل کرنے کے لیے ان کی کوششوں کو سراہا۔ مقررین نے چوہدری محمد شاہنواز اور آصف محمود براہٹلوی کی تقرری کو خوش آئند قرار دیتے ہوئے امید ظاہر کی کہ وہ برطانیہ میں مقیم کشمیری کمیونٹی اور آزادکشمیر حکومت کے درمیان ایک مضبوط پل کا کردار ادا کریں گے۔
اس موقع پر معزز مہمانوں نے عدیل تصور ایڈووکیٹ کا شکریہ ادا کرتے ہوئے اس عزم کا اعادہ کیا کہ وہ ریاست کی تعمیر و ترقی اور اوورسیز کشمیریوں کے حقوق کے تحفظ کے لیے اپنی تمام تر توانائیاں بروئے کار لائیں گے۔
